Десять заповедей Божиих
Аз есмь Господь Бог твой; да не будут тебе бози инии, разве Мене.
Не сотвори себе кумира, и всякаго подобия, елика на небеси горе, и елика на земли низу, и елика на водах под землею; да не поклонишися им, ни послужиши им.
Не премли имене Господа Бога твоего всуе.
Помни день субботный, еже святити его: шесть дней делай, и сотворивши в них вся дела твоя, в день же седьмый - суббота Господу Богу твоему.
Чти отца твоего и матерь твою, да благо ти будет, и да долголетен будеши на земли.
Не убий.
Не прелюбы сотвори.
Не укради.
Не послушействуй на друга твоего свидетельства ложна.
Не пожелай жены искренняго твоего, не пожелай дому ближняго твоего, ни села его, ни раба его, ни рабыни его, ни вола его, ни осла его, ни всякого скота его, ни всего, елика суть ближняго твоего.